29 012021 WORLD NEWS 🔰சர்வதேச ரீதியில் கொரோனாவினால் உயிரிழந்தோரின் எண்ணிக்கை 22 இலட்சத்தை கடந்துள்ளது

🇱🇰 Ceylon News 24 🇱🇰 

29 012021 

WORLD NEWS

🔰சர்வதேச ரீதியில் கொரோனாவினால் உயிரிழந்தோரின் எண்ணிக்கை 22 இலட்சத்தை கடந்துள்ளது

சர்வதேச ரீதியில் கொரோனா தொற்றினால் உயிரிழந்தவர்களின் எண்ணிக்கை 22 இலட்சத்தை கடந்துள்ளது. 

சர்வதேச நாடுகளில் நேற்றைய நாளில் மாத்திரம் 16 ஆயிரத்து 448 பேர் உயிரிழந்துள்ளனர். 

இதன்படி, அமெரிக்காவிலேயே அதிக ஊயிரிழப்புகள் பதிவாகி வருகின்ற நிலையில், அந்த நாட்டில் நேற்றைய தினத்தில் மாத்திரம் 3 ஆயிரத்து 908 பேர் உயிரிழந்துள்ளனர். 

அத்துடன், பிரேஸிலில் ஆயிரத்து 432 பேரும், பிரித்தானியாவில் ஆயிரத்து 239 பேரும் நேற்றைய நாளில் உயிரிழந்துள்ளனர். 

இந்த நிலையில், சர்வதேச ரீதியில் கொரோனா தொற்றினால் உயிரிழந்தவர்களின் எண்ணிக்கை 22 இலட்சத்து 2 ஆயிரத்து 844 ஆக அதிகரித்துள்ளது. 

இதேவேளை, சர்வதேச ரீதியில் கொரோனா தொற்றினால் இதுவரை பாதிக்கபட்டவர்களின் எண்ணிக்கை 10 கோடியே, 21 இலட்சத்து 33 ஆயிரத்தை கடந்துள்ளமையும் சுட்டிக்காட்டத்தக்கது. 

🔰இந்தியாவில் அமைந்துள்ள இஸ்ரேலிய தூதரகத்திற்கு முன்னால் வெடிப்பு சம்பவம் ஒன்று பதிவு!

இந்தியாவில் தலைநகர் புது டெல்லியில் அமைந்துள்ள இஸ்ரேலிய தூதரகத்திற்கு முன்னால் வெடிப்பு சம்பவம் ஒன்று பதிவாகியுள்ளதாக இந்திய ஊடகங்கள் தெரிவிக்கின்றன. 

இந்த வெடிப்பு சம்பவம் இன்று மாலை இடம்பெற்றுள்ளதாக இந்திய பொலிஸார் தெரிவித்துள்ளனர். 

இதன்போது இஸ்ரேலிய தூதரகத்தின் முன்னால் நிறத்தி வைக்கப்பட்டிருந்த வாகனங்களுக்கு சேதம் ஏற்பட்டுள்ளதாகவும் இந்திய ஊடகங்கள் தெரிவிக்கின்றன. 

எவ்வாறாயினும் இந்த வெடிப்பு சம்பவத்தில் எவ்வித உயிர் சேதங்களும் பதிவாகவில்லை என புது டெல்லி பொலிஸார் தெரிவித்துள்ளனர். 

அத்துடன், குறித்த பகுதியில் பாதுகாப்பு பலப்படுத்தப்பட்டுள்ளதுடன், சம்பவம் தொடர்பான விசாரணைகள் ஆரம்பிக்கபட்டுள்ளதாகவும் புது டெல்லி பொலிஸார் தெரிவித்துள்ளனர். 

🔰லெபனானில் கொரோனா பரவல் முடக்க செயற்பாடுகளுக்கு எதிராக ஆர்ப்பாட்டம்: 100க்கும் மேற்பட்டோர் காயம்!

லெபனானில் கொரோனா தொற்று பரவல் முடக்க செயற்பாடுகளுக்கு எதிர்ப்பு தெரிவித்து ஆர்ப்பாட்டத்தில் ஈடுபட்ட நுற்றுக்கும் மேற்பட்டவர்கள் காயமடைந்துள்ளனர். 

ஆர்ப்பாட்டக்காரர்களுக்கும் பாதுகாப்பு படையினருக்கும் இடையிலான மோதலில் நுற்றுக்கும் மேற்பட்டவர்கள் காயமடைந்துள்ளதாக செஞ்சிலுவை சங்கம் தெரிவித்துள்ளது. 

லெபனானில் கொரோனா தொற்றுபரவலை கட்டுப்படுத்துவதற்காக ஜனவரிமாதம் முதல்வாரம் தொடக்கம் தேசிய முடக்க செயற்பாடுகள் நடைமுறைப்படுத்தப்பட்டுள்ளதாக சர்வதேச ஊடகங்கள் தெரிவிக்கின்றன 

🔰அல்ஜீரியாவில் கொரோனா தடுப்பூசி வழங்கும் திட்டம் நாளை முதல் ஆரம்பம்! 

அல்ஜீரியாவில் நாளை முதல் கொரோனா தடுப்பூசி திட்டம் முன்னெடுக்கப்படவுள்ளது. 

ரஷ்யாவில் தயாரிக்கப்பட்ட Sputnik V கொரோனா தடுப்பூசி இன்று பெற்றுக்கொள்ளப்பட்டுள்ள நிலையில் நாளை முதல் நடைமுறைப்படுத்தப்படவுள்ளதாக அல்ஜீரிய சுகாதார அமைச்சு தெரிவித்துள்ளது. 

இதன் முதற்கட்டமாக சுகாதார பணியாளர்கள் வயோதிபர்கள் உள்ளிட்டவர்களுக்கு தடுப்பூசி வழங்கப்படவுள்ளதாகவும் குறிப்பிட்டுள்ளது